الفراق

الفــــــراق

الفراق اصعب شيء في الدنيا واصعب احساس ممكن تحس بيه
الفراق مش من حبيب بس الفراق بيكون من حبيب او صديق او قريب
مجرد ان حد بتحبه وسابك في يوم من الايام بتحس بايه
بتحس بايه لما بتلاقي الانسان الي وثقت فيه واديته كل اسرارك وحياتك تخلي عنك في يوم

بتحس بايه لما بتفارق الانسان او الانسانه الي كان نفسك تعيش معاها العمر كله
بتكون الظروف اصعب منك بس بتقول لنفسك كان ممكن اتمسك بيه
مجرد انك بتسمع اسمه قلبك بيدق وتحس انك نفسك تلاقيه قدامك من تاني



الزكريات ... تفتكر ممكن تنسي احلي زكرايات واحلي ايام وضحك قضيته معاه بسهوله
تفتكر ممكن تنسي احلي وعود قالهالك وانه هيفضل معاك لاخر يوم في عمرك
لما بتغمض عيونك دقيقه وتفتكر ايامه عمرك بتقدر تنساه او تنسي ايامه

تقدر تنسي صوته او ملامحه او كلامه او اي حاجه كان قالهالك في يوم
لما بتكون في شده وضيقه كنت بتلاقي مين غير حضنه تجري عليه
دلوقتي لما بتفكر فيه بتحس بانك كان نفسكك تفضل معاه



لو قابلته في يوم صدفه بتحس ان قلبك نفسك تجري عليه وتقوله بحبك
بتخاف ... بتخاف من رد فعله بتخاف يعمل حاجه تزعلك منه وتمحي كل حاجه حلوه بينكم
نفسك تسال عليه كل دقيقه وتعرف اخباره ايه من بعدك وعامل ايه بس مش قادر



عيونك عمرها نست عيونه لما اتقابلوا اول مره ووعدوا بعض انهم هيفضلوا مع بعض علطول
عيونك بتدمع لما بتفتكر كل يوم حلو قضيته معاه ونفسك يرجع من تاني وترجع الايام ده

ديما بتسال نفسك كان ليه الفراق وانك كان ممكن تستمر بس الفراق كان اصعب منك
ليه ديما بتفتكره في كل حركه او كل مكان كنتوا فيه سوا وعيونك تبقي نفسها تدمع
ليه نفسك تقوله وحشتني اوي ارجع بس الظروف اقوي منك

ديما بتفتكره وتقول ده القلب الي عمره ما باعني ولا بعته وكنا مع بعض في الحلوه والمره
ليه المرادي افترقنا وابتدينا نقول ليه و ياريت كان بادينا حاجه الا كل واحد قلبه شايل زكرايات
لما بتسمع انه حصله مكروه بيبقي نفسك تجري عليه تطمن عليه كل دقيقه
ديما شايفه قصاد عيونك في كل مكان ضحكتوا فيه سوا وكل كلمه وكل موقف
ديما حاطط امل انك ممكن يرجع لقلبك في يوم ونفسك تحضن قلبه بمشاعرك

الفــــراق اصعب شيء في الدنيا مهما اتكلمت عنه مش هيكفي كلامي

لكن نصيحه الى كل من شعر بالم الفراق يحاول الا يقع تحت تاثير الصدمه

انني اعلم جيدا انها نصيحه صعبه لكن ربما هي الحل الامثل للتخلص من الام الفراق

وبالاخر اكيد اتمنى للجميع الا يقع تحت تأثير هذا الالم

الدمعه الحزينة